Жыл басынан бері облыс орталығында алкоголь өнімдерін заңсыз сатудың 34 фактісі тіркелген. Заңсыз айналымнан 1 тонна 311 литр спиртті өнім тәркіленді, деп хабарлайды F16.kz.
ШҚО ПД баспасөз қызметінің мәліметінше, барлық құқық бұзушылар мемлекеттік тіркеусіз және қажетті рұқсат құжаттарынсыз кәсіпкерлік қызметпен айналысқаны үшін әкімшілік жауапкершілікке тартылған.
2025 жылы полиция қызметкерлері алкоголь өнімдерін заңсыз сатудың 21 фактісін анықтап, заңсыз айналымнан 825 литр спиртті өнімді тәркілеген болатын. Ал 2024 жылы 26 фактінің жолы кесіліп, 650,5 литр тәркіленген еді. Анықталған фактілердің едәуір бөлігі Асқартау көшесінде тіркелген. Жыл басынан бері бұл көшеде алкоголь өнімдерін заңсыз сатудың 16 фактісінің жолы кесіліп, заңсыз айналымнан 1 тонна 272 литр спиртті өнім алынды, — делінген департамент хабарламасында.
Заңнамада көзделген барлық процестік іс-шаралар аяқталғаннан кейін тәркіленген спиртті өнім белгіленген тәртіппен жойылады.
Полиция қызметкерлері құқық бұзушылықтардың алдын алу және оларды дер кезінде анықтау үшін профилактикалық іс-шараларды күн сайын жүргізіледі.
Сондай-ақ Жедел басқару орталығының бейнебақылау жүйесі арқылы жедел жағдайға мониторинг жасалып, түскен хабарламаларға дер кезінде ден қоюға және қолданыстағы заңнама аясында шара қолдануға мүмкіндік береді.
Шығыс Қазақстан облысы Полиция департаменті азаматтарды алкоголь өнімдерін заңсыз сату фактілері туралы 102 нөміріне хабарлауға шақырады.
