Күршім ауданының Топтерек ауылында құсбегіліктен II облыстық чемпионат өтті, деп хабарлайды F16.kz.
6-8 ақпан аралығында өткен дүбірлі додаға Өскемен қаласынан, Ұлан, Үлкен Нарын, Зайсан мен Күршім аудандарынан құсбегілер қатысты.
Тартысты бәсекеде Горький Нажитбан (Ұлан ауданы) жеңімпаз атанды. Зайсан қаласынан келген Ақынбек Төлепберген екінші орынды, Айзере Нажитбан үшінші орынды иеленді.
Ителгі салудан өткен сында Самғат Ердана (Өскемен қаласы) бірінші орынды жеңіп алды. Екінші орын Айдос Жандыкеевке (Күршім ауданы) бұйырды, үшінші орынды Төлепберген Боранбай (Зайсан қаласы) иеленді.
Барлық жеңімпаздар мен жүлдегерлер төсбелгілермен және грамоталармен марапатталды.
