Алтай ауданында 2028 жылға дейін жалпы инвестиция көлемі 49,6 млрд теңгені құрайтын 7 ірі инвестициялық жобаны іске асыру жоспарланып отыр. Бұл туралы Алтай ауданының әкімі Ренат Құрмамбаев айтты, деп хабарлайды F16.kz.
Бүгінде ауданда 5 сүт фермасы жұмыс істеп тұр. Алдағы жылдары тағы 5200 бас сауынды сиырға арналған алты сүт-тауар фермасын салынады.
Полянское ауылында 1075 басқа арналған сүт-тауар фермасының құрылысы жүріп жатыр. Жоба жылына 6500 тонна сүт өндіруге мүмкіндік береді. Сонымен қатар Чиркаин ауылындағы ауылында «Средигорненский-2» ЖШС Германиядан 95 жоғары өнімді симменталь тұқымды сиыр әкелді. Биыл тағы 255 бас сатып алуды жоспарлап отыр. . Осылайша, фермадағы мал басы 600-ге жетіп, сүт өндіру көлемі жылына 2000 тоннаға артады, — дейді Алтай ауданының әкімі Ренат Құрмамбаев.
Жобаларды жүзеге асыру нәтижесінде ауылдық жерлерде шамамен 200 жаңа жұмыс орны ашылады. Сондай-ақ сүт өндірісінің дамуы кәсіпорындар, логистика, ветеринария және мал азығын өндіру сияқты салалардың да дамуына серпін береді.
