Шығыс Қазақстан облысының Күршім ауданында халықтың әлеуметтік осал топтары мемлекет қолдауымен оңалтудан өтіп, демалуға мүмкіндік алады. Бұл туралы аудан әкімдігі хабарлап отыр.
– Мүгедектігі бар азаматтардың денсаулығын жеке оңалту бағдарламасына сәйкес қалпына келтіру мақсатында алты адам «Мойылды», «Адал ниет», «Ақбұлақ», «Бақсы» шипажайларына жіберілді. Сондай-ақ, 42 зейнеткер «Уба» шипажайында, ал 16 зейнеткер «Өскемен-Таловка» шипажайында демалып қайтты, – дейді Күршім аудандық әкімдігінің өкілдері.
Бұдан бөлек, аумақтық әлеуметтік көмек көрсету орталықтары арқылы үй жағдайында қызмет алатын алты зейнеткер мен үш мүгедектігі бар азаматқа қажетті құжаттар дайындалды. Сондай-ақ, үш зейнеткер қарттар үйіне орналастырылды.
