«Мерейлі отбасы» ұлттық байқауына өтінім қабылдау басталды. Байқау адамгершілік қасиеттерді жандандыруға, отбасы мәртебесі мен құндылықтарын арттыруға бағытталған, деп хабарлайды F16.kz.
Конкурсқа қатысуға өтінімдер 15 мамырдан 15 маусымға дейін қағаз және электрондық форматта өңірлік комиссияларда қабылданады. Құжаттарды қабылдаудың соңғы күні – 14 маусым.
Өтінім толтыру үшін:
* ата-аналардың (қорғаншылардың, қамқоршылардың) жеке басын куәландыратын құжаттардың көшірмелері, балалардың туу туралы куәліктерінің көшірмелері;
* қабылдаушы (қорғаншылықтағы) отбасылар үшін — кәмелетке толмаған балаға қорғаншылық (қамқоршылық) белгілеу туралы жергілікті уәкілетті орган шешімінен үзінді;
* неке қию туралы куәліктің көшірмесі;
* ата-аналардың біреуінің қайтыс болуы туралы куәліктің көшірмесі (бар болған жағдайда);
* балаларды тәрбиелеудегі жетістіктері үшін берілген наградаларды, сондай-ақ белгілі бір жетістіктер үшін марапаттарды растайтын құжаттардың көшірмелері;
* заңды және (немесе) жеке тұлғалардан ұсыныс хаттар (кемінде екеу);
* отбасы мүшелерінің еңбек қызметіндегі, спорттағы, шығармашылықтағы, зияткерлік және ғылыми салалардағы жоғары жетістіктерін растайтын құжаттардың көшірмелері;
* қоғамдық пайдалы қызметке (волонтерлік, қайырымдылық, демеушілік, тәлімгерлік) қатысқанын растайтын құжаттардың көшірмелері (бар болған жағдайда).
Конкурсқа қатысу үшін құжаттар түпнұсқаларымен бірге ұсынылуы қажет.
Қазақстан Республикасы аумағында қызметіне тыйым салынған ұйымдардың құрамында болған (немесе бұрын болған) мүшелері бар, сондай-ақ құрамында бұрын сотталған мүшелері бар отбасылар конкурсқа қатысуға жіберілмейді.
Конкурсқа қатысуға өтінімдер мен құжаттарды қабылдау «Өскемен қаласының ішкі саясат бөлімі» ММ арқылы жүзеге асырылады.
Қағаз түрінде өтінім Чехов көшесі, 33 мекенжайы 4-кабинетте қабылданады.
Электронды түрде 265119ops@mail.ru поштасына жіберу керек.
Қосымша сұрақтар бойынша 8-7232-26-48-92 телефоны арқылы немесе 8-705-526-16-40 нөмірі бойынша WhatsApp арқылы хабарласуға болады.
Қалалық комиссия келіп түскен өтінімдерді 2026 жылғы 15 маусымнан 29 маусымға дейін қарастырып, іріктелген материалдарды конкурстың екінші, облыстық кезеңіне қатысу үшін жолдайды.
Байқау лауреаттарын марапаттаудың салтанатты рәсімі 2026 жылғы 13 қыркүйекте Отбасы күні қарсаңында өтеді.
