Өскеменде 4 қыркүйек сағат 20.00-ден 5 қыркүйек сағат 20.00-ге дейін қолайсыз метеорологиялық жағдайлар (ҚЖМ) туралы екінші дәрежелі ескерту жарияланды, деп хабарлайды F16.kz.
Бұл туралы «Қазгидромет» РМК Шығыс Қазақстан облыстық фииалы мәлім етті.
Айта кетейік, қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың жиналуына ықпал ететін ауа ортасының жағдайы немесе метеорологиялық жағдайлар.
Мамандар ҚМЖ кезінде адам ағзасын қорғау үшін не істеу керектігін айтты:
Далада, ашық ауада көп жүрмеу;
Пәтердің терезелері мен желдеткіштерді жабу;
Қайнатылған, тазартылған немесе газсыз сілтілі минералды суларды, не болмаса шәй ішу, сондай-ақ ас содасының шамалы ерітіндісімен ауыз қуысын жиі шаю;
Тамақтану рационына құрамында пектині бар азық-түліктерді, мысалы: пісірілген қызылша, қызылшаның шырыны, алма, жеміс киселі, сондай-ақ итмұрының, мүк жидектің, рауғаштың негізінде жасалған витаминді сусындарды, шөптердің қайнатпасын, табиғи шырындарды қосу;
Балалардың тамақтану рационында сүт және сүт өнімдерін, ірімшік, ет тұтынуды көбейту;
Уытты заттарды шығару және азғаны тазарту үшін таган-сорбент, индигель, тагангель, белсендірілген көмірді қолдану;
Балаларды далаға шығармауға, мектептерде далада денешынықтыру сабақтарын өткізбеуге кеңес беріледі;
ҚМЖ кезінде мүмкіндігінше қаланың сыртына немесе саябақ аймақтарына барған жөн.
