Өскемен Hub-та кезекті Open Day ұйымдастырылып, мектеп оқушылары орталықтың қызметімен, стартап жобалармен, заманауи технологиялармен жақынырақ танысты, деп хабарлайды F16.kz.
«Жасанды интеллект пен заманауи технологиялар қалай жұмыс істейді? Қазіргі таңда жасанды интеллект қай салаларда қолданылады?» атты экскурсия өтті Өскемен Hab-та жиі өтеді. Бұл жолы орталықпен Глубокое ауданындағы Опытнопе поле орта мектебі мен Дарынды балаларға арналған облыстық мамандандырылған мектеп-лицей-интернатының оқушылары танысты.
Oskemen Hub базасында Open Day күн сайын ұйымдастырылады. Әр күні орталыққа 30–35 оқушы келеді. Біз қатысушыларға өз жұмысымызды, өткізілетін іс-шаралар мен хакатон, стартап, pizza pitch және өзге да қызықты жобаларды туралы ақпарат береміз. Сондай-ақ орталықтың мектеп оқушылары мен студенттерге беретін мүмкіндіктері жөнінде кеңінен түсіндіреміз, – деді Oskemen Hub менеджері Рабиға Даниярова.
Қазіргі күні жасанды интеллект қарқынды дамып, жаңа мүмкіндіктер ашып, қоғамның ажырамас бөлігіне айналып келеді. Бұл шараның басты мақсаты — оқушылардың заманауи салалар туралы өзекті ақпаратты мамандардан тікелей алып, жақынырақ танысу.
Экскурсия барысында оқушылар жасанды интелекттің негізгі ұғымдарымен танысып, оның қолданылу бағыттары туралы қосымша ақпарат алды.
Мамандық таңдау мәселесі қазір өте өзекті. Өзім медицина саласына да, IT-технологияларға да қызығамын. Бүгінгі экскурсияда біз заманауи технологиялар, олардың пайдасы және жасанды интеллект туралы көп жетілікті алдық. Осы орайда болашақ мамандығыма байланысты да шешім қабылдадым. Алдағы уақытта IT саласын тереңінен меңгерсем деген ойға келдім, – дейді Дарынды балаларға арналған облыстық мамандандырылған мектеп-лицей-интернатының 10-сынып оқушысы Әлинұр Серікұлы.
Сонымен қатар ол жасанды интеллекттің күнделікті өмірде, оқуда және ақпарат іздеуде пайдасын атап өтті. Бұл технологиялар уақытты үнемдеп, жұмыс сапасын арттыруға мүмкіндік береді.
