Олимпиада чемпионы Ольга Рыпакова республикалық референдумға қатысып, өз таңдауын жасады, деп хабарлайды F16.kz
Бүгін елімізде жаңа Конституция жобасы бойынша республикалық референдум өтіп жатыр. Өңірдегі референдум учаскелері жұмысын бастап кетті. Саяси науқанға қала тұрғындары белсенді қатысып жатыр. Дауыс берушілердің қатарында жеңіл атлетикадан Олимпиада чемпионы Ольга Рыпакова да бар.
Ольга Рыпакова № 45 мектептегі №1163 сайлау учаскесінде дауыс берді.
Бүгін еліміз үшін тарихи маңызы бар оқиға деп айтуға болады. Референдум өткізіліп жатыр. Мен еліміздің азаматы әрі патриоты ретінде өз азаматтық ұстанымымды білдіруді азаматтық парызым деп санаймын. Қазір әлем өзгеруде, түрлі оқиғалар орын алып жатыр. Сондықтан белгіленген жоспар мен таңдалған даму бағыты бойынша алға жылжу үшін заңнаманы жетілдіру, ең бастысы, осы жағдайларда қалай өмір сүріп, қалай дамитынымызды және қандай құндылықтарды ұстанатынымызды айқындайтын негізгі қағидаларды жаңарту қажет деп есептеймін, – деді Ольга Рыпакова.
Айта кетейік, облыста барлығы 533 дауыс беру учаскесі құрылған. Өскемен қаласы бойынша 129 сайлау учаскесі бар.
