Шығыстың бас шаһарында Наурыз мерекесіне орай түрлі бағыттағы 100-ден астам іс-шара өтеді. Бұл туралы өңірлік коммуникациялар қызметі алаңында өткен баспасөз мәслихатында Өскемен қаласы әкімінің орынбасары Болатбек Мамарбаев айтты, деп хабарлайды F16.kz.
Дәстүр бойынша Наурызнама мерекелік онкүндігінің әр күні ұлттық құндылықтар мен белгілі бір тақырыпқа арналады.
17 наурыз – отбасылық құндылықтарды дәріптеуге арналған танымдық шара. Өтетін орны: Арбат;
18 наурыз – сән көрсетілімі. Өскемендік дизайнерлердің қолынан шыққан ұлттық нақыштағы киімдерді тамашалап, сатып алуға болады. Өтетін орны: Maxi mall ойын-сауық кешені;
20 наурыз – ұлттық спорт түрлерінен жарыс. Өтетін орны: Комсомол аралы;
Биыл Наурыз мерекесін де жеті ауданда тойлауды жоспарлап отырмыз. Яғни 21 наурызда Өскемен аллеясында, Меновное, Аблакетка, Защита, Күленов кенті, Солжағалау кешені мен Коменданткада мерекелік шаралар өтеді. Ал, 22 наурызда Республика алаңында басты шаралар ұйымдастырылады. Сағат 11.00-ден 14.00-ге дейін және 18.00-ден 21.30-ға дейін мерекелік бағдарлама өтеді. Кешкі сағат 21.30-да отшашу болады, — деді Болатбек Мамарбаев.
Республика алаңында да бір мезетте түрлі іс-шара өтіп жатады. Мәселен, Юбилейный кинотеатрының алдында дастархан жасалып, футкорт болады.
С.Аманжолов атындағы ШҚУ-дың 5 корпусы маңында киіз үй құрылып, ұлттық спорт түрлерінен жарыс өтеді.
«Антаресс» бизнес орталығының маңында «Өскемен өнімі» көрмесі ұйымдастырылады.
Орталық алаңның төрінде үлкен сахна құрылады. Бұл күні көпшілік қауым түрлі ойын-сауық және концерттік бағдарламадан бөлек ұлттық сусындардан дәм татып, арқанмен жүрушілердің өнерін тамашалай алады.
