Өскеменнің іргесіндегі Самсоновка ауылының тұрғындарын толғандырған мәселе көп. Бүгін шаһар басшысы тұрғындармен кездесіп, ұсыныс-пікірлерін тыңдады, деп хабарлайды F16.kz.
Тұрғындардың қазіргі таңда алаңдатқан басты мәселе – қар тазалау жұмыстарының уақытылы жүргізілмеуі және қоғамдық көліктердің қозғалысы. Одан бөлек, көше жарығын жақсарту, әлеуметтік қолдау және ауыл инфрақұрылымын дамыту жайы да талқыланды.
Қазір қаладағы үлкен мәселелердің бірі – қар күреу жұмыстары болып тұр. Қыс мезгіліне алдын ала дайындалсақ та, бір күн жауған қарды әлі тазартып біте алмай жатырмыз. Самсоновкада қар күреу жұмыстары уақытымен жүргізілу үшін жергілікті мердігерлерді тарту мәселесін қарастырайық, — деді қала әкімі.
Тұрғындар көтерген өзге де ұсыныстар мен өтініштер назарға алынып, оларды шешу бойынша жауапты бөлімдерге нақты тапсырмалар берілді. Шаһар басшысы тапсырмалардың тұрақты және уақытымен орындалуын бақылауға алатынын айтты
