Өскеменде пара үстел теннисінен VII республикалық спартакиада басталды. Жарысқа еліміздің 18 өңірінен 195 үміткер, оның ішінде 62 арбадағы спортшы қатысады, – деп хабарлайды F16.kz.
Теннисшілердің алғашқы легін бастап Шығыстың бас шаһарына Атырау, Маңғыстау облыстарынан жиыны 30 спортшы бапкерлерімен келді. Облыс орталығына ат басын тіреген қонақтарды Өскемен әуежайынан денешынықтыру және спорт басқармасының өкілдері құрмет-қошеметпен қарсы алды. Жолдың алыстығына және ұшақтың кешігіп жетуіне қарамастан, олардың барлығы байрақты бәсекеде топ жаруға дайын екендіктерін байқатты.
Бұған дейін Өскеменге 2018 жылы келгенмін. Табиғаты әдемі әрі таза қала. Біздің облыстан алты спортшы келді. Алдағы жарысқа дайындығымыз жоғары деңгейде. Өзге өңірлерден келген барлық спортшыларға сәттілік, өзіме жеңіс тілеймін, – дейді Маңғыстау облысынан келген Мейірбек Өтепов.
Дана Әбдікәрім
