Аяқ киім дүкенінің ашылуында заңнама талаптарын өрескел бұзу фактісі анықталған, деп хабарлайды F16.kz.
Оқиға 11 сәуір Өскемен қаласында болған. «Bashpai» аяқ киім дүкенінің ашылуында тұрғындарға тегін палау таратылып, аяқ киімдер төмендетілген бағада сатылған. Бұл хабарландыруды естіген тұрғындар сауда орнына тым көп жиналып, бір-бірін қысып, қоғамдық тәртіпті бұзған. Сондай-ақ кәсіпкер аталған шараны жергілікті атқарушы органға алдын ала хабарламаған.
Аталған дерек бойынша құқық қорғау органдары тексеру жүргізді. Жиналған материалдар зерделеніп, 13 сәуірде іс-шараны ұйымдастырушы әкімшілік жауапқа тартылды. Оған айыппұл салынды, — делінген қала әкімдігінің хабарламасында.
