Өскеменде қоғамдық көліктер жаңартылып жатыр. Алдағы уақытта тағы 62 жаңа қоғамдық көлік жеткізілмек. Бұл туралы қала әкімі Алмат Ақышов айтты, деп хабарлайды F16.kz.
Яғни, халыққа қолайлы болуы үшін 50 жаңа автобус пен 12 электрі автобус сатып алынады.
— Бұрын мұндай көрсеткіш қалада болмаған. Электробустар жыл аяғына дейін жеткізілуі керек. Ол алдымен сынақтан өтеді. Қазіргі кезде біздің инфрақұрылым да оған мүмкіндік бермей тұр. Сондықтан қуаттау мәселесін де жан жақта қарастырамыз. Маршрут соңына келгенде тоқтап, қуатталып отырады, осылайша қозғалыс кестесі бұзылмайды. Біздің қысқа шыдап, қолайлы болса көлік тасымалдаушылармен жұмыс істеп, тағы алдырамыз, — деді шаһар басшысы.
Алмат Ақышов өз сөзінде электробустың бағасы автобуспен салыстырғанда әлдеқайда қымбат тұратынын атап өтті. Алайда, көліктен шығатын түтін де қала экологиясына тікелей әсер еткендіктен электрлі автобус алуға шешім қабылданған.
Айта кету керек, бұған дейін қалаға жаңа 3 трамвай жеткізілген болатын.
