Бүгін Риддер қаласында «Ардағым – ардагерім» атты патриоттық акция басталды, деп хабарлайды F16.kz.
Акция аясында қаладағы барлық мемлекеттік мекемелер Ұлы Отан соғысы кезіндегі тыл еңбеккерлерін құттықтап, алғыс білдірді.
Бұл күні тыл еңбеккерлеріне ақжарма тілектер айтылып, құшақ-құшақ гүл шоқтары мен естелік сыйлықтар табысталды. Ең бастысы – көңіл. Қариялар осылай зор құрмет көрсетіп, ерекше көңіл бөліп жатқандары үшін акция ұйымдастырушыларына алғаусыз алғыстарын жеткізді.
Ардагерлеріміздің батасы мен ақ тілегі – бұл жай ғана сөз емес. Онда рухтың күші, келешек ұрпақтың бейбітшілігі мен бірлігінің кепілі жатыр, – деп атап өтті акция ұйымдастырушылары.
Мұндай бастамалар халық ерлігін еске салумен қатар, өткен мен бүгінді, болашақты жалғайтын рухани көпірге айналады.
Фото: ШҚО өңірлік коммуникациялар қызметі
