Қасым Қайсенов кентіндегі №10 өрт сөндіру бөліміне күрделі жөндеу жұмыстары жүргізіледі, деп хабарлайды F16.kz.
1999 жылы қолданысқа беріліп, 26 жыл бойы жөндеу көрмеген нысан бүгінде әбден тозған. ШҚО әкімі Нұрымбет Сақтағанов Ұлан ауданына жұмыс сапары кезінде өрт сөндіру бөліміне барып, ғимараттың талапқа сай келмейтінін айтты.
Өрт сөндірушілердің қызметі біз үшін өте маңызды. Оларға барыншы қолайлы жағдай жасалуы керек. Қазіргі өрт сөніру бөлімі талаптарға мүлде сай келмейді. Ғимаратқа толықтай күрделі жөндеу жүргізіледі. Бұл жеке құрамға талаптар мен стандарттарға сай, қауіпсіз жағдай жасауға мүмкіндік береді, — деді облыс әкімі.
Аудан әкімі Арман Бекбосыновтың айтуынша, қазір аудан бойынша техникалық база жаңартылып жатқан көрінеді. Ұлан ауданы бойынша 7, оның ішінде №10 өрт сөндіру бөліміне 2 техника бөлінген.
Фото: F16.kz
