Ара шаруашылығы құрып барады – Александр Шаров, омарташы

Шығыста ара шаруашылығын алға бастырмай тұрған проблема көп. Климаттың өзгеруі, ақпараттық технологияның дамуы, егіс алқаптарын химиялық жолмен өңдеу және басқа да түйткілдер омарташылықтың дамуына кедергі болып тұр, деп хабарлайды F16.kz.

ЕТ, СҮТ, БАЛЫҚ…

$\"\"$ Көктем шыға Өскеменде ауыл шаруашылығы өнімдерінің дәстүрлі жәрмеңкесі қайта жалғасты. Бірінші болып Самар ауданының шаруалары өнім әкелді. Ауданның сегіз ауылдық округі әрқайсы екі бас мүйізді ірі қара, бір бас жылқы және екі бас қой сойып әкеліпті. Оған қоса 200 келі балық, 300 келі бал бар. Сол сияқты сүт—май, құрт—ірімшік, тары—талқан сияқты ауылдың дәмі толып тұр. Бағасы арзан, сапасы жақсы.

КЛИМАТТЫҢ ӨЗГЕРУІ, ҰЯЛЫ БАЙЛАНЫС, ХИМИКАТ

Жәрмеңкеге құнарлы тау балын әкелген Мариногорка ауылының тұрғыны, омарташы Александр Шаровпен өңірдегі ара шаруашылығының жағдайы туралы аз—кем сұхбаттасудың орай келді.

$\"\"$

Омарта шаруашылығы құрдымға кетіп бара жатыр, – деп бастасы сөзін тәжірибелі омарташы, – Оған бірнеше себеп бар. Ең әуелі, климаттың өзгеруі қатты әсер етеді. Жаз бірде салқын, бірде құрғақ. Күз де ерте түсетін болды. Екіншіден, қазір барлық жерде ұялы байланыс ортанылып жатыр. Ал аралар радиотолқынмен ұшатынын білесіз. Байланыс толқыны аралардың бағдар алуына кедергі келтіреді. Бағытынан адасқан аралар ұяға қайта алмай адасып қалады. Сөйтіп ұясы бос қалады.
Үшінші фактор – егістікті өңдегенде қолданатын химиялық заттар. Арамшөп пен түрлі жәндіктерден қорғау үшін егіс алқабына шашатын химикаттардан аралар уланып қалады.

ОМАРТАШЫЛАРДЫ ҚОЛДАҒАН ЖАЛҒЫЗ ӘКІМ – CАПАРБАЕВ

Сонымен қатар тәжірибелі омарташы ара бағатын адамдардың азайып бара жатқанын қынжыла айтты. Оның сөзіне қарағанда, бұрын Самар ауданының Марногорка кеңшарында 13 пәсік (омарта шаруашылығы), 1500-ге дейін ара ұясы болған. Қазір қалғаны – төрт пәсік, 300-дей ұя.

Техникумда, содан кейін колледжде оқыған кезде оқытушыларым айтушы еді: «ең бірінші жер бетінде аралар өледі» деп. Сол рас екен. Қазір аралар азайып кетті. Бұрын ауылда әрбір екінші үй ара бағатын. Қазір ол жоқ. Омарташыларға қолдау керек, әйтпесе дамымайды. Мен бір ғана әкімді білемін ара шаруашылығына қамқор болып, жан-тәнімен қолдаған, ол – марқұм Бердібек Сапарбаев. Ол кісіден кейін бұл салаға көңіл бөлген ешкім жоқ, – деді Александр Шаров.

ӨНІМ КӨП, АЛУШЫЛАР АЗ

Ара шаруашылығының аяғына тұсау болған тағы бір мәселе – өнімді өткізу. Жергілікті жерде балды көп мөлшерде ешкім алмайды. Кәсіпкерлер Астана, Алматы сияқты үлкен қалаларға шығып, өткізіп жүр. Соның өзі оңай емес.

$\"\"$

Өніміңді өткізе алмасаң шаруашылықты дамытудың қандай пайдасы бар? Алушылар болмаса сонша көп балды не істейміз? Қайда өткіземіз? Бұл да үлкен проблема. Сондықтан мемлекет тарапынан атап өткен мәселелерді шешуге қолдау көрсетілмесе күні ертең ара шаруашылығын құртып аламыз, – деді Шаров.

Фото: F16.kz

Ара шаруашылығы құрып барады – Александр Шаров, омарташы

ҰҚСАС ЖАҢАЛЫҚТАР

Қазақстанда өндірісті локализациялау бойынша жаңа келісімдерге қол қойылды

Қытайдан Самарға туристік сапар ұйымдастырылуы мүмкін

Өскемен-Өлгей әуе қатынасы қайта ашылады

ШҚО-да жолдар жабылды

СОҢҒЫ ЖАҢАЛЫҚТАР

Жас ұстаз Жалғас Болатханұлы шекара түбіндегі ауыл мектебін неге таңдады?

Айналма жолдың ортасынан ер адамның денесі табылды – Өскемен

ШҚО-да қан тапсырғандарға берілетін төлемақы мөлшері артты

Балалардың жазғы демалысы қауіпсіз болуға тиіс — Аида Балаева

Шымкент халқы Шығысты таңдап отыр: биыл оңтүстіктен 200 адам көшіп келуге ниетті

Олжас Бектенов «Самұрық-Қазына» АҚ директорлар кеңесінің отырысын өткізді

Өзен трамвайларын жаңа маусымға дайындап жатыр – Өскемен

Қазақстанда өндірісті локализациялау бойынша жаңа келісімдерге қол қойылды

Марқакөл мен Зайсанда салынатын казинолар қалай жұмыс істейді?

Арбатта тұрғындарға тегін құқықтық және қаржылық кеңес береді

САЙТ ТУРАЛЫ

РЕДАКЦИЯМЕН БАЙЛАНЫС

БІЗГЕ ЖАЗЫЛЫҢЫЗДАР