Шығыс Қазақстан облысында тұрғын үй және әлеуметтік инфрақұрылым салу жұмыстары жалғасып жатыр. Жыл басынан бері 7 нысан қолданысқа берілген. Бұл туралы ШҚО құрылыс, сәулет және қала құрылысы басқармасы басшысының орынбасары Ерназ Мұқатаев айтты, деп хабарлайды F16.kz.
Қазіргі уақытта 21 нысанның құрылысы жүргізілуде. Оның ішінде, гематология орталығы, Риддер қаласындағы көпсалалы аурухана, бірнеше амбулатория, спорт және мәдениет нысандары, инженерлік инфрақұрылым жобалары бар.
Жыл соңына дейін 12 нысанды аяқтау жоспарланып отыр. Оның ішінде ірі медициналық және спорттық кешендер де бар. Барлық жоба құрылыстары белгіленген кестеге сай жүргізіліп жатыр. Сапасына да ерекше мән бақылауға алынды, – деді облыстық құрылыс, сәулет және қала құрылысы басқармасы басшысының орынбасары Ерназ Мұқатаев.
Сондай-ақ биыл облыс көлемінде 380 мың м² тұрғын үйді пайдалануға беру жоспарланған.
Әлеуметтік жағынан осал санаттағы азаматтарды тұрғын үймен қамтамасыз етуге ерекше көңіл бөлінетіні белгілі. Биыл осы мақсатта жалпы ауданы 40 мың м² болатын 539 пәтер сатып алу жоспарланған. Оның 189-ы – көпқабатты үйлерден, ал 350-і – «Бір қабатты Шығыс» жобасы аясында салынады, — деп атап өтті басқармасы басшысының орынбасары.
Сонымен қатар, қазір құрылысы жүріп жатқан 11 несиелік тұрғын үйдің, жоспар бойынша, 9-ы жыл соңына дейін аяқталуға тиіс.
