Ертең облыстың кей аудандарында жауын-шашын болып, соңы қарға ұласады. ШҚО ТЖД құтқарушылары тұрғындарға көлікпен алыс жолға шығпауға кеңес береді, деп хабарлайды F16.kz.
3 қазан күні түнде облыстың солтүстігі мен шығысында қар жаууы мүмкін.
Күндіз кей аудандарда жаңбыр жауып, көктайғақ болады. Облыстың батысы мен солтүстігінде екпіні 15-20 м/с жел соғуы мүмкін. Өскеменде де түнде қар аралас жаңбыр жаууы ықтимал, — делінген синоптиктердің болжамында.
Құтқарушылар тұрғындардан қолайсыз ауа райында көлікпен алыс жолға шықпауға кеңес береді.
Жүргізушілер барынша жол ережесін, жылдамдық пен арақашықтықты сақтауы керек, — деді ШҚО ТЖД баспасөз қызметі.
Дауылды ескертулер туралы ақпаратты «Дармен» мобильді қосымшасынан алуға болады.
