Шығыс Қазақстан облысы мен Абай облысына жаңа басшылар жақын арада тағайындалмақ.
Екі облыстың да мәслихат депутаттары дүйсенбіде сессияға жаңа әкімдерді тағайындауға келісім беру үшін шақырылды.
Шығыс Қазақстанның әкімін тағайындау бойынша жиын 17 ақпан күні таңғы сағат 10.00-де өткізілсе, Абай облысының жаңа әкімнің есімі 11.00-де белгілі болмақ.
Айта кетсек, 14 ақпан күні аталған екі өңірдің басшылары қызметінен босатылған еді. ШҚО-ны басқарған Ермек Көшербаев вице-премьер болып тағайындалды. Ал Абай облысының әкімі Нұрлан Ұранхаевтың жаңа қызметі әлі белгісіз.
Фото: arnapress.kz
