Жыл басынан бері ШҚО экономикасы оң өсім динамикасын көрсетіп отыр. Бұл туралы облыс әкімінің орынбасары Ербол Нұрғалиев мәлім етті, деп хабарлайды F16.kz.
Өңірлік коммуникациялар қызметінде өткен брифингте ағымдағы жылдың 7 айының қорытындысы бойынша облыстағы ауыл шаруашылығының жалпы өнім көлемі 4%-ға, негізгі капиталға салынған инвестициялар 9,4%-ға, құрылыс жұмыстары 5,9%-ға өскені белгілі болды. Сондай-ақ 151,3 мың шаршы метр тұрғын үй пайдалануға берілді, бұл 3,5%-ға артық.
– Жұмыссыздық деңгейі 4,6% деңгейінде сақталды. 11,7 мың жұмыс орны құрылды, оның ішіндегі 6,5 мыңы – тұрақты. Орташа айлық жалақы 8,8%-ға өсіп, 407,2 мың теңгеге жетті, – деп мәлім етті облыс әкімінің орынбасары.
