ҚР Ұлттық академиялық кітапханасының бастамасымен қазақтың ұлы ақыны Абай Құнанбайұлының 180 жылдық мерейтойына орайластырылған «Абай өлеңдері әлем тілдерінде» атты халықаралық челлендж өтіп жатыр, деп хабарлайды F16.kz.
Мәдениет және ақпарат министрлігінің мәліметі бойынша аталған жобаның мақсаты – Абай мұрасын халықаралық деңгейде насихаттау және көпұлтты қауымдастықтың қазақ мәдениетіне деген қызығушылығын арттыру.
Челленджге Қазақстан халқы Ассамблеясының мүшелері, Қазақстандағы Төтенше және өкілетті елшілер, жетекші шетелдік ұлттық кітапханалар мен балалар кітапханаларының басшылықтары, этномәдени орталықтар өкілдері, белсенді оқырмандар қатысуда. Іс-шара барысында түрлі этнос өкілдері ақын шығармашылығына деген құрметтерін білдіріп жатыр.
– Челлендж аясында Абай Құнанбайұлының өлеңдері қазақ, орыс, поляк, неміс, беларус, армян, моңғол және үнді тілдерінде оқылды, – деп жазады дерек көзі.
