Шемонаиха ауданында Президент тапсырмасына сәйкес, 2023-2029 жылдарға арналған тұрғын үй-коммуналдық инфрақұрылымды дамыту тұжырымдамасын іске асыру аясында инженерлік желілерді жаңғырту жұмыстары жүргізіліп жатыр, деп хабарлайды F16.kz.
Атап айтсақ, бүгінде ауданның Большая Речка ауылында су құбыры желілерінің құрылысы қызу жүріп жатыр. Нысанда Шемонаиха ауданының әкімі Дидар Кеңесбаев болып, құрылыс жұмыстарының барысымен танысты. Аудан басшысы мердігер ұйыммен жобаның орындалу мерзімдері, сондай-ақ сапасына қатысты өзекті мәселелерді талқылады.
Аудан әкімі ауылдық елді мекендерді орталықтандырылған ауызсумен қамтамасыз ету Мемлекет басшысы айқындаған басым бағыттардың бірі екенін атап өтті. Сондай-ақ, мұндай жобаларды іске асыру халықтың өмір сүру сапасын арттыруға, санитариялық қауіпсіздікті қамтамасыз етуге және елді мекендерді абаттандыруға оң әсер ететіні айтылды.
Бүгінде мұндай су құбыры желілерінің құрылысы Березовка ауылында да жүріп жатқанын айту керек. Сонымен қатар, Шемонаиха қаласының 11 және 12 ықшамаудандарында су құбырларын қайта жаңарту жұмыстары жалғасуда. Барлық жұмыс белгіленген өндірістік кестелерге сәйкес орындалып, аудан әкімдігінің тұрақты бақылауында.
