9 мамырдан бастап «Одесса» теплоходы Бұқтырма су қоймасы арқылы өтетін Васильев паром өткелінде тұрақты рейстерін бастады, деп хабарлайды F16.kz сайты.
Паром өткелі Самар мен Үлкен Нарын аудандарының жағалауларын байланыстырып, екі аудан тұрғындары үшін маңызды көлік қатынасы болып қала береді.
Еске салайық, өткел жұмысы алты жылдық үзілістен кейін өткен жылы қайта жанданған болатын. Навигациялық маусымның ашылуына байланысты теплоход жолаушылар мен автокөліктерді қайта тасымалдай бастады.
Шығыс Қазақстан облысының Жолаушылар көлігі және автомобиль жолдары басқармасының хабарлауынша, рейстер күн сайын бекітілген кесте бойынша жүзеге асырылады.
Үлкен Нарын ауданы жағынан теплоход 07:00, 09:00, 11:00, 13:00, 15:00, 17:00, 19:00 және 21:00-де қатынайды.
Самар ауданы жағынан жөнелту 08:00, 10:00, 12:00, 14:00, 16:00, 18:00, 20:00 және 22:00-де жүзеге асырылады.
Кесте ауа райы жағдайына байланысты өзгеруі мүмкін.
