Бүгін, 17 наурызда Наурызнама онкүндігі аясында Мәдениет және ұлттық салт-дәстүр күні тойланады. Бұл күн мәдени мұраны дәріптеп, ата-бабадан жеткен дәстүрді дәріптеуге арналады, деп хабарлайды F16.kz.
Ұлттық салт-дәстүр – халықтың рухани болмысының ажырамас бөлігі. Музыка, би, қолөнер мен әдет-ғұрып арқылы ұрпақтар сабақтастығы сақталып, ата-баба даналығы бүгінгі өмірмен ұштасады. Мерекенің басты мақсаты – дәстүрдің терең мазмұнын түсіндіріп, оларды заман талабына сай жаңғырту.
Бұл күні елімізде мәдени іс-шаралар ұйымдастырылады. Атап айтқанда, ұлттық өнер мен дәстүрді насихаттайтын фестиваль, көрме, жәрмеңке, концерт, қолөнер шеберлерінің шеберлік сабағы және шығармашылық кездесулер өткізіледі.
Кейінгі жылдары Қазақстанда ұлттық құндылықтарға деген қызығушылық артып келеді. Дәстүрлі тағамдарға сұраныстың көбеюі, ұлттық спорттың дамуы, халық музыкасы мен әдебиетке назардың қайта жандануы – соның айқын көрінісі. Бұл үрдіс тарихи мұраны сақтай отырып, оны қазіргі қоғаммен үйлестіруге мүмкіндік береді.
Мәдениет және ұлттық салт-дәстүр күні – өткенге құрмет білдіріп, ұлттық болмысты сақтауға үндейтін маңызды мерекелердің бірі.
Айта кетейік, Наурызнама онкүндігі мына күндерден тұрады:
-
14 наурыз – Көрісу күні
-
15 наурыз – Қайырымдылық күні
-
16 наурыз – Мәдениет және ұлттық салт-дәстүр күні
-
17 наурыз – Шаңырақ күні
-
18 наурыз – Ұлттық киім күні
-
19 наурыз – Жаңару күні
-
20 наурыз – Ұлттық спорт күні
-
21 наурыз – Ынтымақ күні
