Шығыс Қазақстан облысы – елдегі су тасқыны қауіпті аймақтарды бірі. Төтенше жағдайлар министрлігінің мәліметінше, өңірде көктемгі қарғын судың алдын алу және оның салдарын барынша азайту бағытында кешенді жұмыстар жүргізіліп жатыр, деп хабарлайды F16.kz.
Шығыста су қоймаларына тұрақты мониторинг жүргізу жалғасып жатыр. Жергілікті органдар қыс басталғалы бері 258 мыңнан астам текше метр қар шығарды. Су тасқыны қаупіне жедел әрекет ету үшін облыста жеке құрамнан 3677 адам, 234 мотопомпа, 75 жүзу құралы және 500-ден астам техникадан құралған күштер мен құралдар топтамасы дайындалды.
Сондай-ақ 58,7 мың қап, 9957 тонна инертті материал және 386 тонна жанар-жағар май қоры әзірленген.
ШҚО ТЖД тұрғындарға көктемгі кезеңге алдын ала қамдануды ұсынады. Атап айтқанда, аулалардың қарын күреп, арықтар мен еңістіктерді мұздан тазалап, қар суы ағатындай ету керек. Сондай-ақ құм салынған қаптар мен инертті материалдарды алдын ала әзірлеп қойған артық болмайды.
