Ауа температурасының күрт төмендеуіне байланысты Өскемен қаласының мектептерінде сабақ қашықтан оқыту форматына ауыстырылды, деп хабарлайды F16.kz.
Бұл туралы Шығыс Қазақстан облысы білім басқармасының баспасөз қызметі мәлім етті.
Бүгін, 15 қаңтарда облыс орталығында ауа температурасы –31°C градусты көрсетіп тұр, жел жоқ. Күннің күрт суытуы себепті 0-4-сынып оқушыларына сабақ қашықтан оқытылады.
Сонымен қатар ШҚО ТЖД баспасөз қызметі Алтай және Күршім аудандарының, Риддер қаласының мектептерінде сабақ онлайн оқыту форматына көшірілгенін хабарлады. Алтай ауданында ауа температурасы -28-ден -44 градусқа дейін төмендеген.
