Бүгін, 27 ақпанда қатты аязға байланысты Шығыс Қазақстан облысының Риддер қаласында, Күршім, Зайсан, Самар, Үлкен Нарын, Катонқарағай, Алтай, Ұлан, Глубокое аудандарында мектеп оқушылары қашықтан оқиды.
Риддерде ауа температурасы -35 градусты көрсетіп тұр. Қаладағы барлық білім беру мекемесінің бірінші ауысымдағы 0-11-сынып оқушылары онлайн оқиды.
Күршім ауданында аяздың күші -35 градусқа дейін жетті. Аудан мектептерінде бірінші және екінші ауысымда оқитын оқушылар онлайн форматқа көшірілді.
Үлкен Нарын ауданында сынап бағанасы -41 градусты көрсетіп тұр. Бірінші ауысымда оқитын 0-9-сынып оқушылары қашықтан білім алады.
Алтай ауданында ауа температурасы -45 градусқа дейін төмендеді. Бірінші және екінші ауысымда білім алатын 0-11-сынып оқушылары қашықтан оқиды.
Сондай-ақ бүгін Ұлан ауданында сынап бағанасы -38, Катонқарағай ауданында — 43, Самар ауданында — 39, Зайсан ауданында -30, Глубокое ауданында -39 градус нөлден төмен көрсетіп тұр. Аталған аудандарда сабақ онлайн форматқа ауыстырылды.
