Сәуірдің алғашқы жексенбісінде облыс орталығының тұрғындары сенбілікке жиналды. Күн жылынып, жер қарая салысымен ЖОО және колледж студенттері, еріктілер мен мемлекеттік қызметкерлер Комендантка өзенінің бойын тазартты, деп хабарлайды F16.kz.
Айта кетейік, қалада 4 сәуір мен 30 мамын аралығында санитарлық тазалау жұмыстарына арналған екі айлық жарияланған. Игі бастама өңірде экологиялық мәдениетті қалыптастырып, қала тазалығына деген ортақ жауапкершілікті арттыруға бағытталған.
4 сәуір күні Өскеменнің әр ауданында сенбілік ұйымдастырылып, көшелер мен аулалар тазартылды, жасыл аймақтар ретке келтірілді. Әсіресе, түс ауа тұрғындар мен студенттердің сүйікті демалыс орнына айналған Коменданткаға жиналғандар қарасы көп болды. Мұнда қыстан қалған қоқыста тазартуға 500-ден астам тұрғын жиналған.
«Таза Қазақстан» акциясы аясында Шығыс Қазақстан облысында жүйелі жұмыстар жүргізіліп келеді. Тек сенбіліктер ғана емес, алдағы уақытта өзге де шаралар ұйымдастырылады. Мұның барлығы халықтың өмір сүру сапасын жоғарылатудың бірден-бір жолы. Таза жер – тазаланған жер емес, шашылмайтын жер. Яғни, экологиялық акция әр адам айналасын таза ұстап, қолындағы қоқысты сұрыптап тастағаннан басталады, — деді облыс әкімі.
Сондай-ақ аймақ басшысы өз кезегінде тазалық жұмыстарына белсене қатысқан қала тұрғындары мен студенттерге алғыс айтты.
Таза ауада көп жүру, қоршаған ортаның тазалығы денсаулыққа да пайдалы, экологияға да оң ықпалын тигізеді. Мемлекет басшысы Қасым-Жомарт Кемелұлы жастарға үлкен сенім артады. Біздің болашағымыз білімді, адал, аянбай жұмыс істейтін жастардың қолында. Оқумен бірге осындай акцияларда белсенділік танытып, қаламызға жанашырлық білдіргендеріңіз үшін сіздерге алғыс айтамын, — деді Нұрымбет Сақтағанов.
“Таза Қазақстан” экологиялық акциясы аясында 30 мамырға дейін әр сенбі күні сенбілік ұйымдастырылады. Қала әкімдігі тұрғындарды экологиялық шараларға белсене қатысып, қаланы таза ұстауға шақырады.
