Қаржылық мониторинг агенттігінің және ҰҚК-ның Шығыс Қазақстан облыстық департаменттері прокуратурамен бірлесіп заңсыз жолмен алтын өндірушілерді анықтады, деп хабарлайды F16.kz.
Күдіктілер Ұлан ауданының Шыбынды өзені аңғарында екі жыл бойы бағалы металдарды заңсыз өндіріп, жер қойнауын өз бетінше пайдаланған.
Кен өндіру кезінде ауыр арнайы техника мен кенді қайта өңдеуге арналған өнеркәсіптік жабдық қолданылған. Жауапкершілігі шектеулі серіктестігінің заңсыз қызметі салдарынан 300 млн теңгеден астам экологиялық залал келтірілген. Тінту барысында құны 382 млн теңге болатын 6 кг алтын тәркіленді. Ұйымдастырушы екі ай мерзімге қамауға алынды.
Тергеу жалғасып жатыр.
Қылмыстық-процестік кодекстің 201-бабына сәйкес өзге ақпарат жариялауға жатпайды.
