Өскемен қаласының әкімі Алмат Ақышов 6 наурызда тұрғындармен кезекті есептік кездесуін өткізеді. Бұл жолғы жиын 19-шағын ауданында болады, деп хабарлайды F16.kz.
Кездесуде шаһар басшысы бір жылда атқарылған жұмыс туралы баяндап, алда тұрған мақсат-міндеттерге тоқталады. Биыл облыс орталығында қандай жобалар іске асырылатыны да осы жиында сөз болады. Әдеттегідей тұрғындар әкімге көкейде жүрген сұрағын қойып, нақты жауап ала алады.
Естеріңізде болса, жыл басынан бері Алмат Ақышов қала тұрғындарымен екі рет кездесу өткізген.
Өскемен қаласы әкімінің кезекті есептік кездесуі 6 наурыз күні сағат 18.00-де 19-шағын аудандағы №46 мектептің акт залында ұйымдастырылады. Бұл күні сағат 17.00-ден бастап аталған мекенжайда консультациялық топ жұмыс істейді. Мамандар түрлі мәселе бойынша тұрғындарға кеңес беріп, көмек көрсетеді.
Кездесу өтетін жердің мекенжайы: Көкжал Барақ көшесі, 8/2.
