Алаш қайраткері Ахмет Байтұрсынұлының Қазан қаласында түскен фотосуреті табылды, деп хабарлайды F16.kz порталы 24.KZ телеарнасына сілтеме жасап.
Бұл жағымды жаңалықты ғалым Қайырбек Кемеңгер жеткізді. Оның айтуынша, тарихи фотосурет қыркүйектің басында Татарстан астанасы Қазан шәріндегі ұлттық музейден табылған. Бірақ онда Ахмет Байтұрсынұлының есімі жазылмаған. Тек татар зиялысы Мұхаммед Идрисовтың аты-жөні көрсетілген. Дейтұрғанмен қазақстандық ғалымдар ұлт ұстазын жазбай таныды.
Қайырбек Кемеңгердің айтуынша, Ахмет Байтұрсынұлының Қазан қаласында бұрын-соңды болғаны туралы бұған дейін ешқандай ақпарат болмаған.
Ахмет Байтұрсынұлы Қазан қаласына келді деген ақпаратты бұрын естімедік… Келгені сөзсіз, мұны осы сурет растайды деп ой түйдік. Бір жағынан, мұрағат материалына мұқият татар ағайын суреттің қайда және қашан түсірілгені жайында олқылық жібере қоймас деп те ойладық, – дейді ғалым.
