Алматы облысында өткен «Ақ бидай – 2025» республикалық ауыл спорты ойындарында Шығыс Қазақстан облысының садақшылары жақсы нәтиже көрсетті, деп хабарлайды F16.kz.
Дәстүрлі садақ атудан жалпыкомандалық есепте өңіріміздің мерген қыздары бірінші орынды иеленсе, ерлер командасы төртінші орынды місе тұтты.
Бұл туралы Глубокое ауданының әкімі Эльдар Тұмашинов әлеуметтік желіде жазды.
Сүйінші, достар! «Ақ бидай» VIII ауыл спорт ойындарында ШҚО құрамасы дәстүрлі садақ атудан тамаша нәтиже көрсетті! Әйелдер командасы – 1-орын, ерлер командасы – 4-орын иеленді. Ал жекелей сында Глубокое ауданының мақтанышы Аяш Қабдоллаева топ жарып, ауданымыздың абыройын асқақтатты, – деп жазды Эльдар Тұмашинов.
Естеріңізге сала кетсек, он күн бойы Алатаудың баурайын дүбірге бөлеген «Ақ бидай» VIII республикалық ауыл спорт ойындарына еліміздің түкпір-түкпірінен 3 мыңға тарта спортшы қатысты. Бағдарламаға спорттың 20 түрі енгізілген.
