Тарбағатай ауданының тұрғыны алаяқтардың ықпалымен интернет желісі арқылы «ҚазАтомПром» инвестициялық жобасына тіркеліп, үшінші тұлғаға 913 300 теңге көлемінде ақша аударған, деп хабарлайды F16.kz.
Сотқа дейінгі тергеп-тексеру барысында 602 300 теңге М. есімді, ал 311 660 теңге О. есімді азаматтың атына ашылған шотқа аударылғаны анықталды. Аталған мән-жайлар банк жауабымен расталған.
Сот отырысында жауапкерлер өздерінің де алаяқтық әрекеттердің құрбаны болғандарын алға тартып, талап арызға қарсылық білдірді. Алайда, ұсынылған дәлелдемелерге сүйене отырып олардан қаржыны өндіріп алу туралы шешім шығарылды. Сот шешімімен талап арыз қанағаттандырылды, — делінген облыстық соттың хабарламасында.
Сот шешімі заңды күшіне енген жоқ.
