Телефон және интернет арқылы жасалатын алаяқтық тәсілдер күрделі бола түсті. Бүгінде алаяқтар мемлекеттік орган, банкт немесе курьерлік қызметтің «қызметкеріне» айналды. Құзырлы органдар адамдарды өте сақ болуға шақырады, деп хабарлайды F16.kz.
Алаяқтар жәбірленушінің телефонына 1414 нөмірінен келген SMS-кодты пайдаланып өзін банк, мемлекеттік орган немесе курьерлік қызмет қызметкері ретінде таныстырып, кодты айтуды сұрайды. Одан кейін екінші адам хабарласып, өзін банк, полиция немесе ҰҚК қызметкері ретінде көрсетіп, шоттағы ақшаға қауіп төнгенін айтып қорқытады. Осылайша алаяқтар азаматтарды несие рәсімдеуге және қаражатты «қауіпсіз шотқа» аударуға итермелейді.
Бас прокуратураның хабарлауынша, енді «1414» SMS-шлюзін пайдаланатын жүйелерге қол жеткізу тек FaceID, ЭЦҚ немесе eGov QR арқылы жүзеге асырылады. Желтоқсан айынан бастап бұл талаптарды енгізбеген жүйелер аталған SMS-шлюзден ажыратылады.
Мамандар азаматтарға сақ болуды, SMS-кодтарды бөтен адамдарға бермеуді және күмәнді жағдай туындаса, бірден банкке немесе уәкілетті органдарға хабарласуды ескертеді.
Ресми ақпаратқа сүйенсек, биыл телефон алаяқтары 6,1 мыңнан астам азаматты алдап, сан соқтырып кеткен.
