«Қазгидромет» синоптиктері алдағы күндерге арналған ауа райы болжамын ұсынды, деп хабарлайды F16.kz.
Наурыздың соңғы күндері облыс аумағында жауын-шашын болады. Жалпы Қазақстанның басым бөлігінде ауқымды антициклон әсерінен жауын-шашынсыз ауа райы сақталады.
27-28 наурызда Шығыс Қазақстан облысында жауын-шашын (жаңбыр, қар) болып, тұман түсіп, солтүстікте және шығыста көктайғақ болады, – делінген синоптиктерде.
Сондай-ақ кей аймақтарда ауа температурасы көтеріледі. Күндіз батыста және солтүстік-батыста +15…+25-ке дейін, солтүстікте және шығыста +10…+17-ге дейін, орталықта +13…+24-ке дейін, оңтүстікте +21…+30-ға дейін, оңтүстік-шығыста +18…+27-ге дейін және таулы аймақтарда +10…+15-ке дейін күн ысиды.
