Алматы облысының Іле ауданындағы металл қабылдау пункттерінің бірінде жарылыс болды. Үш адам қаза тапты, деп хабарлайды F16.kz порталы облыстық полиция департаментінің баспасөз қызметіне сілтеме жасап.
Полицияның мәліметінше, металл тапсыру кезінде белгісіз зат жарылып кеткен.
Белгісіз заттың жарылуы салдарынан үш адам қаза тапты. Оқиға орнына жедел түрде төтенше жағдайлар қызметінің өкілдері, өрт сөндірушілер, полиция және жедел жәрдем тобы жетті, – делінген полиция департаментінің хабарламасында.
Полиция аталған факт бойынша қылмыстық іс қозғап, сотқа дейінгі тергеуді бастады. Қазір тергеушілер жарылыстың себептері мен жағдайларын анықтап жатыр.
