23 желтоқсан күні таңертең Алматы-Өскемен тас жолының 681-шақырымда жолаушылар автобусы мен жүк көлігі соқтығысты. Жол апаты салдарынан бір адам көз жұмып, үшеуі жарақат алды, деп хабарлайды F16.kz.
Абай облысының полиция департаментінің мәліметіне сүйенсек, Yutong автобусы мен КамАЗ-5320 соқтығысқан.
Жол-көлік оқиғасы салдарынан автобус жүргізушісі оқиға орнында қайтыс болды. Үш адам медициналық мекемеге жүгінді, тексеруден кейін олар үйлеріне жіберілді, — дейді Абай облысы полиция департаментінің баспасөз қызметі.
Қазіргі таңда сотқа дейінгі тергеу жүргізіліп жатыр.
