Алтай ауданының Октябрьск кентінде «Бұқтырма балықшысы – 2026» II республикалық мұздағы балық аулау фестивалі өтеді, деп хабарлайды F16.kz.
Фестиваль аясында қатысушылар мен қонақтарға арнап концерттік бағдарлама, Қазақстан эстрада жұлдызының шағын концерті, фотозона, ойын-сауық бағдарламалар, киіз үйлер қалашығы, сондай-ақ «Ауыл дәмі» жәрмеңкесі мен фуд-корт ұйымдастырылады.
Балықшылар сайысының жеңімпазы мен жүлдегерлері кубок, медаль, алғыс хаттармен және облыс әкімінің арнайы сыйлықтарымен марапатталады.
Республикалық фестиваль 1 наурыз күні сағат 10.00-де басталады.
