Алтай ауданында медицина саласы қарқынды дамып келеді. Биыл ауданаралық аурухана аумағында магнитті-резонансты томографияға арналған ғимарат құрылысы басталды. Тұрғұсын ауылында дәрігерлік амбулатория салынып бітуге таяу. Жыл соңына дейін медициналық мекемелерге төрт заманауи жабдық сатып алынады, деп хабарлайды F16.kz.
Бүгінде Алтайдағы денсаулық сақтау нысандарының құрал-жабдықпен қамтылу деңгейі – 83,1%. Биылғы жыл басынан қатерлі ісіктен өлім-жітім 8,7%-ға, туберкулезден болатын өлім-жітім 66%-ға, туберкулезбен науқастану 36,1%-ға төмендеді. Жалпы аудан бойынша 21 дәрігер жетіспейді, — деді Шығыс Қазақстан облысының әкімі Нұрымбет Сақтағанов.
Өңір басшысы денсаулық сақтау басқармасының басшысы мен Алтай ауданының әкіміне қажетті медициналық кадрларды тарту бойынша тиісті жұмыстар жүргізуді тапсырды.
Білім саласына қатысты да оң өзгерістер бар. Биыл Жаңа Бұқтырма кентінде 200 орындық мектеп құрылысы аяқталды. 10 білім ордасында ағымдағы жөндеу жүргізілді. Сондай-ақ мектептерге үш оқу кабинеті сатып алынды.
