Өскеменде «Altay Invest-2025» халықаралық инвестициялық форумы басталды. Оған әлемнің бірнеше елінен инвесторлар, дипломаттар және мемлекеттік органдардың өкілдері қатысып жатыр, деп хабарлайды F16.kz.
Соңғы бес жылда Шығыс Қазақстан облысына шамамен 3 трлн теңге инвестиция тартылған. Шығыс Қазақс тан облысының әкімі Нұрымбет Сақтағанов биыл тағы 1 трлн теңге инвестиция тартуды жоспарланғанын атап өтті.
Өңірде жалпы құны 100 млрд теңгеден асатын 11 инвестициялық жоба жүзеге асырылып жатыр. Бұл жобалар жүздеген жұмыс орнын ашуға және облыс экономикасын нығайтуға септігін тигізеді. Осы форум өңірдің ашық диалогқа, ынтымақтастыққа және жаңа инвестицияға дайын екенін көрсетеді. Сіздермен тек облыстың емес, республиканың экономикасын дамытып, жаңа мүмкіндіктерге жол ашатын жобаларды талқылауға әзірміз, — деді аймақ басшысы.
Айта кетейік, «Altay Invest-2025» форумында Шығыс Қазақстан мен шетелдік инвесторлар арасында маңызды келісімдерге қол қойылып, түрлі жобалар қолға алынады деп жоспарланған.
