Бүгін еліміздің бірнеше өңірінде күн райы күрт бұзылуына байланысты «ҚазАвтоЖол» ұлттық компаниясы жүргізушілерге ескерту жасады, деп хабарлайды F16.kz.
2025 жылғы 1 қазанда Абай, Алматы, Ақмола, Жамбыл, Жетісу, Солтүстік Қазақстан және Шығыс Қазақстан облыстарының кей жерлерінде қар аралас жаңбыр жауады. Сол себепті жүргізушілерге жылдамдық режимі мен қауіпсіз арақашықтықты қатаң сақтап, жолдардағы ауа райының қолайсыздығын ескерулеріңізді сұраймыз, – деп мәлімдеді ұлттық компания өкілдері.
Айта кетейік, жол жағдайына қатысты ақпаратты тәулік бойы жұмыс істейтін 1403 байланыс орталығына хабарласып алуға болады.
