Балықшылар күні мерекесіне орай 19 шілдеде Тарбағатай ауданының Тұғыл ауылында мәдени—спорттық шаралар өтеді. Бұл туралы Зайсан-Ертіс облысаралық балық шаруашылығы бассейндік инспекциясы басшысы Талғат Рахымжанов мәлім етті, деп хабарлайды F16.kz.
Бірнеше жылдан бері шілденің екінші жексенбісі Балық шаруашылығы қызметкерлерінің күні ретінде тойланып келеді. Биыл бұл мереке 19 шілдеде Зайсан көлінің жағасындағы Тұғыл ауылында (Тарбағатай ауд. – ред.) өтеді. Осыған орай мәдени-спорттық шаралар ұйымдастыру жоспарланған. Оның ішінде волейбол, арқан тарту, қол күресі, еркін күрес сияқты спорт түрлерінен сайыстар болады. Өңір тұрғындарын, спортсүйер қауымды, балық шаруашылығы саласының қызметкерлерін осы мерекеге атсалысуға шақырамыз, – деді Талғат Рахымжанов.
Сондай-ақ кәсіби мереке аясында еңбегімен көзге түскен мамандарға құрмет көрсетіліп, марапаттау рәсімі болады.
