Теміржол билеттеріне күзгі жеңілдіктер маусымы басталды. Бұл туралы «Жолаушылар тасымалы» АҚ мәлімдеді, деп хабарлайды F16.kz.
22 қыркүйек пен 23 қазан аралығында бірқатар бағыттарға билеттерді 40%-ға дейін жеңілдікпен сатып алуға болады. Жеңілдіктер апта күндеріне (дүйсенбі–бейсенбі) және орын түрлеріне байланысты беріледі.
Дүйсенбі–бейсенбі аралығында жүретін пойыздар:
- № 9/10 «Астана – Алматы»: 40% жеңілдік (отыратын орындарға);
- № 65/66 «Астана – Жезқазған»: 25% жеңілдік (купеге);
- № 67/68 «Астана – Өскемен»: 30% жеңілдік (үстіңгі орынға);
- № 77/78 «Алматы – Маңғыстау»: 25% жеңілдік (үстіңгі орынға);
- № 351/352 «Алматы – Өскемен»: 30% жеңілдік (үстіңгі орынға);
- № 691/692 «Атырау – Ақтөбе»: 20% жеңілдік (үстіңгі орынға).
Күн сайын жүретін пойыз:
- № 11/12 «Алматы – Шымкент»: 25% жеңілдік (купеге).
Жеңілдікпен билеттерді http://www.bilet.railways.kz ресми сайты арқылы немесе вокзалдағы билет кассаларынан сатып алуға болады.
