Өскеменде өзіне тиесілі аумақты қардан тазартпаған заңды тұлғаларға айыппұл салынады. Бұл туралы қала әкімінің баспасөз қызметі мәлім етті, деп хабарлайды F16.kz.
Қазір полиция басқармасының қызметкерлері қаланы аралап, кәсіпкерлерге түсіндіру үшін арнайы рейд жүргізуге кірісті. Мамандардың айтуынша, заңға сәйкес жеке меншік аумағы бар кез келген адам жазда ол жерді таза ұстап, абаттандыруы керек. Ал қыста қарын күреп, көктайғақта инертті материал төгуді ұмытпағаны абзал.
Бизнес иелерімен түсіндіру жұмысы жүргізіліп жатыр. Аумақтық басқару орталықтарымен бірге қала көшелерін аралап, рейд өткізіледі, – деп хабарлады Өскемен қаласының полиция басқармасы.
Тәртіп сақшыларының айтуынша, абаттандыруға көңіл бөлмеген немесе бөлгісі келмейтін кәсіпкерлер жауапкершілікке тартылып, айыппұл төлейді.
