ШҚО «Ауыл аманаты» жобасы аясында жеңілдетілген несиеге өтінім қабылдау қайта басталды. Бағдарлама ауыл кәсіпкерлігін дамытуға, ауыл халқының табысын арттыруға және ауылдағы кооперацияны қолдауға бағытталған, деп хабарлайды F16.kz.
Айта кетейік, 2023–2025 жылдары өңірде жалпы құны 4 035,1 млн теңгені құрайтын 400 жоба қаржыландырылып, 597 жұмыс орны ашылды. Ал биыл 1,5 млрд теңгеге 115 жаңа жоба мақұлданды. Оның 38-і ауыл шаруашылығы өндірістік кооперативтері арқылы іске асырылып жатыр.
Облыстық кәсіпкерлік палатасының мәліметіне сүйенсек, өңір бойынша туризмге, ауылшаруашылық өнімдерін қайта өңдеуге және ауылшаруашылығы саласына жатпайтын бизнеске өтінім көп түседі.
«Ауыл аманаты» бағдарламасы – грант емес. Яғни, қайтарымсыз көмек емес, міндетті түрде қайтарылатын жеңілдетілген шағын несие екенін естеріңізге саламыз. Сондықтан әрбір өтінім беруші өз мүмкіндігі мен жобасын және тәуекелдерін жан-жақты бағалауы қажет, — дейді кәсіпкерлік палатасының өкілдері.
Несие мерзімі қандай?
Ауылшаруашылығы саласына жатпайтын жобаларға — 5 жылға дейін;
Ауыл шаруашылығы өндірісі мен қайта өңдеу жобаларына — 7 жылға дейін.
- Жылдық сыйақы мөлшерлемесі 2,5%-дан аспайды.
• Максималды сома: 2 500 АЕК-ке дейін (қайта өңдеу және кооперативтер үшін – 8 000 АЕК-ке дейін).
• Негізгі қарызды өтеу бойынша 12 айға дейін жеңілдетілген кезең қарастырылған.
• Кепіл мүлкі болуы қажет.
• Қарыз алушының жасы несие мерзімі аяқталған уақытта 21–63 жас аралығында болуға тиіс.
• Қаражат тек қолма-қол ақшасыз пайдаланылады.
• Қаражаттың нысаналы пайдаланылуы несие алғаннан кейін 90 күн ішінде (ұзақмерзімді жобалар үшін – 12 айға дейін) құжатпен расталуы тиіс.
Көтерме немесе бөлшек сауда, жеңіл автокөлік сатып алу, жалға беруге арналған тұрғын үй салу және жақын туыстардан мал сатып алу үшін қаражат қарастырылмайды.
Өтінім беру және қарау рәсімі толық автоматтандырылған. Құжаттар ақпараттық жүйе арқылы электронды түрде қабылданады.Бағдарламаға кімдер қатыса алады?
• жұмыссыз азаматтар;
• кәсіпкерлік қызметін тіркеусіз жүзеге асырып жүрген тұлғалар;
• жеке кәсіпкерлер мен шаруа қожалықтары;
• ауыл шаруашылығы кооперативтері және олардың мүшелері.
Жоба жүзеге асырылатын елді мекенде жеке тұлғаның кемінде 12 ай тұрақты тіркеуі болуы міндетті.
Несие қаражаты тек нысаналы мақсатта пайдаланылуы керек. Қайтару шарттарын бұзу немесе қаражатты мақсатсыз пайдалану әкімшілік және қаржылық жауапкершілікке әкелуі мүмкін.
Қосымша сұрақтар бойынша:
МҚҰ «Oskemen Атамекен» мекенжайы: Өскемен қ., Әуезов даңғылы, 26/1.
Байланыс телефондары:
• Алтай, Глубокое, Шемонаиха, Самар, Ұлан аудандары – Әлиев Бахруз Сархатұлы, 8 (771) 538 28 28
• Зайсан, Марқакөл, Тарбағатай аудандары – Садыкова Сәуле Қайрбекқызы, 8 (776) 055 94 81
• Катонқарағай, Күршім аудандары, Үлкен Нарын – Хасенова Бақытгүл Бақытжанқызы, тел.: 8 (777) 765 12 74.
