Қазақстанда медициналық мекемеде аса ірі көлемде қаржы жымқыру фактісі анықталды. Бұл туралы Қаржылық мониторинг агенттігі мәлімдеді. Тергеу «Қызылорда облыстық инфекциялық ауруханасы» ШЖҚ МКК-ның қызметкерлеріне қатысты жүргізілген, деп хабарлайды F16.kz.
Ресми ақпаратқа сүйенсек, мекеменің бас есепшісі медициналық кереуеттерді сатып алу кезінде олардың нақты құнын бірнеше есе асырып көрсеткен. Тергеу материалдарына сәйкес, аурухана мен жеке серіктестік арасында жалпы сомасы 259 миллион теңгеге 220 кереует сатып алу туралы келісім жасалған. Құжаттарда бір кереуеттің бағасы 1,2 миллион теңге деп көрсетілген.
Алайда, сатып алынған төсек-орындардың шынайы нарықтағы бағасы 460 мың теңгеден аспағаны анықталды. Осылайша, әрбір кереует үшін артық көрсетілген сома есебінен мемлекетке 129 миллион теңге көлемінде залал келген. Бұл – үш есеге жуық айырмашылықты білдіреді.
Агенттіктің хабарлауынша, тергеу барысында күдіктілердің 111 миллион теңге тұратын жеке мүлкіне шектеу қойылған. Сонымен қатар мемлtкетке келген зиян толық көлемде өтелген. Қаіргі уақытта аталған мекеменің бас есепшісі екі ай мерзімге қамауға алынды, ал қылмыстық іс материалдары сотқа жолданды.
