Елімізде жедел респираторлық вирустық инфекциялардың таралуы күрт өсті деп хабарлайды F16.kz.
Санитариялық-эпидемиологиялық бақылау комитетінің ақпаратына сүйенсек, биылғы 25 қарашада елімізде 21451 адамнан ЖРВИ анықталған. Бір күн бұрын тіркелген жағдай саны 1612 болғанын ескерсек, бір тәулікте аурғандар саны шамамен 13 есеге көбейген.
Биылғы 1 қыркүйектен бері республикада 1 998 181 тұрғыннан жедел респираторлық вирустық инфекция анықталды. Сондай-ақ 1 253 адамның тұмау жұқтырғаны белгілі болып отыр, олардың 1 250-і «гонконг тұмауы» деп аталатын тұмау түрімен ауырған.
Денсаулық сақтау министрлігі халық арасында тұмауға қарсы вакцина салдыру жалғасып жатқанын хабарлады. Қазірг 2,2 миллионнан астам адам екпе алған. Дәрігерлер әсіресе егде жастағы кісілерге, балаларға және созылмалы дерті бар адамдарға вакцина салдыру аса маңызды екенін айтады.
