13–23 наурыз аралығында елімізде ауқымды республикалық «Nauryz Sale» акциясы өтеді. Бастама отандық өндірушілерді қолдауға, ішкі сауданы ынталандыруға бағытталған, деп хабарлайды F16.kz.
Акция кезеңінде сауда субъектілері халыққа азық-түлік және басқа да тауарларға 10–70 пайыз аралығында мерекелік жеңілдіктер ұсынады. Акциялық тауарлар сауда залдарында арнайы мерекелік навигация және «Nauryz» фирмалық безендіруі арқылы белгіленеді.
Атап айтқанда, тақырыптық баға белгілері, брендтелген көрсеткіштер, баннерлер және басқа да POS-материалдар орналастырылып, сатып алушыларға ассортиментте оңай бағдарланып, жеңілдікпен ұсынылған тауарларды жылдам табуға мүмкіндік береді.
Шығыс Қазақстан облысында акция Өскемен қаласындағы бірқатар сауда орындарында өтеді. Олардың қатарында:
* «City Center» СОО
* «45 гастроном» СҮ
* «Family Market Самал» СОО
* «Magnum» СОО (Жібек жолы көшесі, 1)
* «Алтай маркет» СҮ
* «Алма стор» СД
* «Колос» СҮ
* «Волна» СҮ
* «Фараон» СҮ
* «ТНП» СОО
* «Император» СҮ
Сонымен қатар 13–20 наурыз аралығында сауда нысандарын цифрлық безендіру мен инновациялық шешімдерді дамытуға бағытталған «Sauda in Digital Nauryz» республикалық байқауы өтеді. Байқау қорытындысы 20 наурызда шығарылады.
Акцияға ішкі сауда саласының шамамен 300 субъектісі қатысады.
