Биыл қыста еліміздің басым бөлігінде жауын-шашын мөлшері климаттық норма шамасында болжанады. Десе де, кей өңірлерде ауа температурасының ауытқуы жиі байқалады, деп хабарлайды F16.kz.
«Қазгидромет» синоптиктері алдағы қысқа арналған ауа райы болжамын жариялады.
Қараша айында күн райы құбылмалы болады. Республиканың шығысында бірінші онкүндіктің басында ауа температурасының түнде 2-7 градустан 0-5 градусқа дейін, күндіз 2-7 градустан 5-10 градусқа дейін жоғарылауы күтіледі. Онкүндіктің соңына қарай түнде термометр бағаны 7-12, күндіз 0-5 градусқа дейін біртіндеп төмендейді, — делінген хабарламада.
Жалпы елдіміздің барлық аймағында нормадан 1° жоғары болады деп болжанады.
Ал, жылдың соңғы айында облыстың солтүстік-шығысында ауа температурасы нормадан 1° төмен болады. Жауын-шашын мөлшерді, керісінше нормадан аз болады.
Қаңтар айында Шығыста ауа температурасы төмендей бастайды. Облыстың таулы аймақтарында нормадан көп қар жаууы да мүмкін. Жалпы қыста қар қалың, күн райы жылы, арасында боран мен көктайғақ болады деп күтіледі, — делінген хабарламада.
