Бүгін Шығыс Қазақстан облысының әкімі Нұрымбет Сақтағанов Самар ауданының тұрғындарымен кездесіп, өңірдің биылғы даму көрсеткіштерін, өзекті мәселелерді және алдағы жоспарларды талқылады, деп хабарлайды F16.kz.
Самар ауданы экономикасында агроөнеркәсіп кешені маңызды орын алады және оның облыс экономикасындағы үлесі 2,6 пайызға тең. Ауданда өсімдік шаруашылығы дамыған, оның үлесі 54,8 пайыз, ал мал шаруашылығы – 45 пайыз.
Қазір ауданда 17,6 мың бас ірі қара, 36,5 мыңға жуық қой-ешкі және 10,2 мың жылқы бар. Биылғы 10 айда 3,3 мың тонна ет өндірілді, бұл облыстық көрсеткіштің 2,6 пайызына тең.
Аудан кәсіпкерлеріне қолдау көрсету мақсатында «Ауыл аманаты» бағдарламасы жүзеге асырылып келеді. Бағдарлама аясында туризмді дамытуға, өнімдерді қайта өңдеуге және техниканы жаңартуға бағытталған жобалар қаржыландырылған.
Былтыр бағдарлама арқылы 114,3 млн теңгеге алты несие берілсе, биылғы жыл басынан бері 310 млн теңгеге жуық қаржыға 18 жоба қолдау тапты.
